მინსკში "ნორმანდიულ ოთხეულს" შორის შეხვედრა დასრულდა - რაზე შეთანხმდნენ ლიდერები

მინსკში "ნორმანდიულ ოთხეულს" შორის შეხვედრა დასრულდა. უკრაინის, რუსეთის, გერმანიისა და საფრანგეთის ლიდერებმა მოლაპარაკებების ოთახი უკვე დატოვეს. ამის შესახებ "ინტერფაქსი" იტყობინება.

გავრცელებული ცნობით, მალე საფრანგეთის პრეზიდენტი, ფრანსუა ოლანდი და გერმანიის კანცლერი, ანგელა მერკელი ერთობლივ პრესკონფერენციას გამართავენ. ასევე, მხარეებს შორის შეთანხმებულ დოკუმენტზე ხელმოწერის ცერემონიალიც გაიმართება. როგორც უკრაინული მედია იტყობინება, დოკუმენტი 14 თებერვლიდან ცეცხლის შეწყვეტას, სამხედრო ტექნიკის აღმოსავლეთ უკრაინიდან გაყვანას და უსაფრთხოების ზონის შექმნას მოიცავს.

"ინტერპრესნიუსი"