კოპენჰაგენის ერთ-ერთ კაფეში მოსახლეობის ევაკუაცია მიმდინარეობს

კოპენჰაგენის იმ კაფეში, რომელსაც რამდენიმე დღის წინ შეიარაღებული მამაკაცი დაესხა თავს, საეჭვო ნივთი აღმოაჩინეს. ამის შესახებ "ბიბისი" იტყობინება. მომხდარის გამო ამ დროისთვის მიმდებარე ქუჩები გადაკეტილია, მიმდინარეობს ახლოს მცხოვრები მოსახლეობის ევაკუაცია.

შაბათს, დანიის დედაქალაქში 22 წლის მამაკაცი კაფეში შეიჭრა, სადაც ისლამსა და სიტყვის თავისუფლებასთან დაკავშირებით დებატები მიმდინარეობდა, მოგვიანებით კი სინაგოგას დაესხა თავს. თავდასხმების შედეგად მან ორი ადამიანი მოკლა, ხოლო სამი სამართალდამცველი დაჭრა. თავად თავდამსხელი პოლიციამ კვირას დილით მოკლა. მომხდართან დაკავშირებით გუშინ ორი ეჭვმიტანილი დააკავეს, რომლებიც პოლიციის ვარაუდით, თავდამსხმელს დანაშაულის ჩადენაში ეხმარებოდა.

"ინტერპრესნიუსი"