"20 სტომატოლოგიურ კლინიკაში ერთჯერადი ინსტრუმენტები მრავალჯერადი ეგონათ" - მონიტორინგის შედეგები
სტომატოლოგიური კლინიკების მონიტორინგმა გვაჩვენა, რომ სერიოზულად არის საქმე და ბევრი რამ გასაკეთებელია, - ამის შესახებ საქართველოს შრომის, ჯანმრთელობისა და სოციალური დაცვის მინისტრის მოადგილემ, ვალერი კვარაცხელიამ სამინისტროში საავადმყოფოების ხელმძღვანელებთან შეხვედრისას განაცხადა.
მან კლინიკების ეზოებში დაგეგმილი მონიტორინგის შესახებ ისაუბრა და სტომატოლოგიურ კლინიკებში უკვე განხორციელებული მონიტორინგის შედეგებიც მოიყვანა.
"თბილისში, 544 სტომატოლოგიური კლინიკიდან, დაახლოებით 70-მდე კლინიკაში დარღვევა აღმოვაჩინეთ. 38-ზე ცოტა მეტი კლინიკა ყოველგვარი შეტყობინების გარეშე მუშაობდა. ისინი ეწეოდნენ არაკანონიერ სამედიცინო საქმიანობას. 20 კლინიკაში ერთჯერადი ინსტრუმენტები მრავალჯერადი ჰგონიათ. დაახლოებით 45 კლინიკა დაკეტილი დაგვხვდა. რატომ კეტავენ კლინიკებს მონიტორინგის მიმდინარეობისას, ალბათ კარგად გესმით, თუმცა ჩვენ არ შევეშვებით, გავაგრძელებთ და იმ კლინიკებში თუ შევალთ, რომელიც დღეს დაკეტილია, რადგან ამის დატოვება ნამდვილად არ შეიძლება. ეს არის ძალიან მაღალი რისკი და ამ რისკს ჩვენ ვერ დავუშვებთ", – აღნიშნა ვალერი კვარაცხელიამ.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
