"არ იფიქროთ, რომ მე თქვენს "მიჭირხვნას" ვაპირებდე" - ლევან ღვინჯილიას რამდენიმე შეკითხვა მაკა ცინცაძეს
ენათმეცნიერი ლევან ღვინჯილია "ფეისბუქის" პირად გვერდზე ჟურნალისტ მაკა ცინცაძეს რამდენიმე შეკითხვით მიმართავს. ტექსტს უცვლელად გთავაზობთ:
"რამდენიმე შეკითხვა ჟურნალისტ მაკა ცინცაძეს
{ტკ "ჯიდიესის" ახალი პროგრამის შესაძლო წამყვანს} :
~ ქალბატონო მაკა!
1.ხომ არ იცით, ამ ტელეკომპანიის სახეწოდება რატომ იწერება ლათინური ასოებით?
{თუ იმის თქმას აპირებთ, რომ ესაა კომპანიის ინგლისური სახელწოდების აბრევიატურა – "ჯ–ორჯიან დ–რიმ ს–ტუდიო" ( "ქართული ოცნების სტუდია"), ამ პასუხს ვერ მივიღებ, რადგანაც ნებისმიერი უცხოური საკუთარი სახელი მშვენივრად იწერება ქართული ანბანით: "აშშ"–სა, "ობამასა", "ნოტრდამსა" და "ვაშინგტონ–ნიუიორკზე" რომ არაფერი ვთქვათ, "თიბისი", "პეესპე", "ჯიპისი", "ავერსი", "ვერსია" და "რეზონანსი" თუ იწერება ქართული ანბანით, ეს "ჯიდიესი" (GDS) ~ რა გახდა ასეთი, ქართულად რომ არ იწერება?
იქნებ სხვა პასუხი გაქვთ? სიამოვნებით მოგისმენთ}.
2.{''მაესტროდან'' ჩემი წამოსვლა ''ჯი-დი-ეს''-ზე პ ო რ ტ ი რ ე ბ ა ს არ უკავშირდებოდა"–ო ~ ბრძანებთ თქვენ ერთ ინტერვიუში}.
~ხომ ვერ ამიხსნით, "პორტირება" ამ შემთხვევაში რას ნიშნავს?... ეს ისაა, მაგთის აბონენტებს რომ გვეხვეწებოდნენ: "ჯეოსელზე" ან "ბილაინზე" გადმოპორტირდითო?... მერედა, სად მობილური ტელეფონის ნომერი და სად უმშვენიერესი ჟურნალისტი ქალბატონი?
3."პროექტს ამზადებს ''საზოგადოება 20-30'' ~ ესეც თქვენი სიტყვებია. "20–30" თუ "2030"? იმედია, განსხვავებას ამჩნევთ?
4." მენატრებოდა დ რ ა ი ვ ი ეთერში გასვლის წინ." ~ დიდი ბოდიში, ქალბატონო მაკა, მომიტევეთ ჩემი უმეცრება და დროსჩამორჩენილობა: რა გენატრებოდათ? "დრაივი"? (drive?) ~ანუ: "ძლიერი და დაბალი დარტყმა ჩოგბურთში"?... და თქვენ აპირებთ, რომ ბატონ ბიძინას ამგავრი ლექსიკით ესაუბროთ? ერთი წუთით არ იფიქროთ, რომ მე თქვენს "მიჭირხვნას" ვაპირებდე. უბრალოდ ვიკითხე ის, რაც არ ვიცი; ეს კი სულაც არაა საძრახი ჩვევა.
5. და ბოლოს: "ჩემთვის საინტერესო უნდა იყოს ადამიანი, რომელიც მაკრიტიკებს, უნდა ჰქონდეს გამოცდილება და სიტყვა ეთქმოდეს." ~ რა ბედნიერი ვიქნებოდი, ასეთ ადამიანთა რიგებს თუ მიმაკუთვნებდით, მაგრამ, ამის მიუხედავად, მაინც მესიამოვნებოდა თქვენი პასუხების წაკითხვა (თქვენმა ინტერვიუმ 10–ჯერ მეტი კითხვა გააჩინა, მაგრამ თქვენს გადაღლას მოვერიდე.);
~დანარჩენს მაშინ მოგახსენებთ, როცა თქვენი გადაცემის სტუმარი გავხდები; და თუ ეს იქნება "მის უმდიდრესობასთან " ერთად, ხომ მთლად გადასარევი....
გუწრფელად გისურვებთ წარმატებებს!!!".
"ტვინის გამომრეცხავი რუსული არხების მაგივრად ჩაგვირთეთ "პალიტრანიუსი" - რას სთხოვს ოქრუაშვილი წულუკიანს ციხიდან
"აუ, როგორ არ მინდა, ჩემი დაქალების ინბოქსები ამოგიყარო, თუ ჩემს შეხებას არ შეეშვები" - რატომ ემუქრება თიკა ჯამბურია პროდიუსერ დავით იმედაშვილს
