მიშა მესხი, ზაზა ურუშაძის "მანდარინების" სამსახიობო გუნდთან ერთად უკვე ლოს-ანჯელესშია, სადაც ცერემონიალის დაწყებამდე უკანასკნელ საათებს ითვლიან. სოციალურ ქსელებში გავრცელდა ფოტოები, სადაც მსახიობი ლეგენდარული "ოსკარის" ქანდაკების გვერდით პოზიორობს.
შეგახსენებთ, რომ ამერიკის კინოაკადემიის უმაღლესი ჯილდოს, "ოსკარის" რიგით 87-ე დაჯილდოების ცერემონია 23 თებერვალს, თბილისის დროით 04:00 სააათზე გაიმართება. გამთენიისას გახდება ცნობილი მოიპოვებს თუ არა "ოსკარს" საუკეთესო უცხოურენოვანი ფილმის ნომინაციაში ქართველი რეჟისორის, ზაზა ურუშაძის ფილმი "მანდარინები", რომელიც ესტონეთ-საქართველოს ერთობლივი ნამუშევარია.
საუკეთესო უცხოურენოვან ფილმებს შორის "მანდარინების" კონკურენტებია: რუსული ფილმი "ლევიათანი", პოლონური "იდა", მავრიტანიული "ტიმბუქტუ" და არგენტინული "ველური ისტორიები".