სამგზავრო ბორანის კატასტროფის შედეგად 66 ადამიანი დაიღუპა

ბანგლადეშში სამგზავრო ბორანის კატასტროფის შედეგად 66 ადამიანი დაიღუპა. ამის შესახებ "როიტერი" იტყობინება. ბორანი, რომლის ბორტზეც 150-ზე მეტი ადამიანი იმყოფებოდა, ცენტრალურ ბანგლადეშში მდინარეში სატვირთო გემს შეეჯახა. მაშველებმა 50-ზე მეტი ადამიანის გადარჩენა შეძლეს, დანარჩენის ძებნა კი ამ დრომდე გრძელდება.

პოლიციამ სატვირთო გემის კაპიტანი და ეკიპაჟის ორი წევრი უკვე დააკავა. მსგავსი შემთხვევები ბანგლადეშში ხშირია. ათი დღის წინ მომხდარ მსგავს ავარიას 7 ადამიანი შეეწირა.

"ინტერპრესნიუსი"