ბინ ლადენის გასაიდუმლოებული დოკუმენტი: ის რუსეთზე სერიულ თავდასხმებს გეგმავდა

ალ-ქაიდა" რუსეთში თავდასხმებს გეგმავდა. "ბიბისის" ცნობით, ამას ადასტურებს იმ სახლიდან ამოღებული დოკუმენტები, სადაც მსოფლიოს ნომერ პირველი ტერორისტი ოსამა ბინ ლადენი 2011 წელს მოკლეს. აღნიშნული დოკუმენტები გუშინ ნიუ-იორკში ტერორიზმში ეჭვიმტანილი, პალესტინელი აბიდ ნასირის სასამართლო პროცესზე განიხილეს.

დოკუმენტურ მასალაში საუბარია ევროპის ქვეყნებში, მათ შორის ბრიტანეთში დაგეგმილ თავდასხმებზეც. კერძოდ, ბინ ლადენისათვის გაგზავნილ ერთ-ერთ წერილში აღნიშნულია, რომ ევროპასა და რუსეთში "ალ-ქაიდას" ჯგუფის წევრები გაემგზავრნენ, რომელთა ნაწილიც მოგვიანებით დააკავეს. სწორედ მაშინ დააკავეს პაკისტანელი აბიდ ნასირიც, რომელსაც ბრალად ედება მანჩესტერსა და ნიუ-იორკის მეტროში თავდასხმების ორგანიზებაში მონაწილეობა.

"ინტერპრესნიუსი"