არგენტინაში ვერტმფრენების შეჯახების შედეგად ოლიმპიური სპორტსმენები დაიღუპნენ

არგენტინის ჩრდილოდასავლეთ რეგიონში ორი ვერტმფრენის შეჯახების შედეგად 10 ადამიანი დაიღუპა; მათ შორის რვა ფრანგი და ორი არგენტინელი. ამის შესახებ "ბიბისი" იტყობინება.

დაღუპულთა შორის არიან ფრანგი სპორტსმენები - ოქროს მედლის მფლობელი მოცურავე კამილ მიუფა, მოკრივე ალექსის ვასტენი და იახტსმენი ქალი, ფლორენს ართო.

ტრაგედია სატელევიზიო რეალითი შოუს - Dropped-ის გადაღებისას ლა-რიოხას პროვინციაში მოხდა. შეჯახების მიზეზი უცნობია. ადგილობრივების თქმით, ავარიის შემდეგ აფეთქების ხმაც იყო. ბორტზე იმყოფებოდნენ როგორც რეალითი შოუს მონაწილეები, ასევე გადამღები ჯგუფის წევრებიც.

"ინტერპრესნიუსი"