საფრანგეთში ავიაკატასტროფას 15 ქვეყნის მოქალაქე ემსხვერპლა

გერმანული ავიაკომპანია "ჯერმანვინგის" თვითმფრინავის კატასტროფის შედეგად დაღუპულთა შორის 15 ქვეყნის მოქალაქეები არიან. ამის შესახებ "ბიბისის" ცნობით, "ჯერმანვინგის" აღმასრულებელმა დირექტორმა, ტომას ვილკელმანმა განაცხადა.

"11:00 საათის მონაცემების მიხედვით, დაიღუპა 72 გერმანელი, 35 ესპანელი, ორი ავსტრალიელი, ორი არგენტინელი, ორი ირანელი, ორი ვენესუელელი, და ორი ამერიკელი, ასევე ერთი ბრიტანელი, ერთი ჰოლანდიელი, მექსიკელი, იაპონელი, დანიელი, ბელგიელი და ებრაელი", - აღნიშნა ვილკემანმა.

მისივე თქმით, არის რამდენიმე მგზავრი, რომელთა ეროვნებაც ჯერჯერობით უცნობია. "ჯერმანვინგის" სამგზავრო ლაინერი, რომელიც ბარსელონადან დიუსელდორფში მიემგზავრებოდა, გუშინ საფრანგეთის ალპების ტერიტორიაზე ჩამოვარდა. ბორტზე სულ 150 მგზავრი იმყოფებოდა.

"ინტერპრესნიუსი"