"ისლამური სახელმწიფოს" მებრძოლებმა სირიის ჩრდილო-აღმოსავლეთ პროვინციაში 80 წლის წინ აშენებული ქრისტიანული ეკლესია ააფეთქეს. ამის შესახებ ადგილობრივ მედიაზე დაყრდნობით "როიტერი" იტყობინება. გავრცელებული ცნობით, მსხვერპლი არ არის. ისლამისტებმა ასაფეთქებელი მოწყობილობა ასირიულ სოფელ თელ-ნასრიში მდებარე წმინდა მარიამის სახელობის ტაძარში განათავსეს. აღნიშნულ სოფელს, ისევე როგორც სირიის სხვა არაერთ ტერიტორიას "ისლამური სახელმწიფო" აკონტროლებს.