კამჩატკის ნახევარკუნძულთან გემის ჩაძირვის შედეგად დაღუპულთა რიცხვი 62-მდე გაიზარდა
კამჩატკის ნახევარკუნძულთან თევზსაჭერი ტრალერის ჩაძირვის შედეგად დაღუპულთა რიცხვი 62-მდე გაიზარდა. ამის შესახებ "ბიბისი" იტყობინება. სახალინის ადგილობრივი მთავრობის ცნობით, დაკარგული ხუთი მეზღვაურის პოვნა ვერ შეძლეს, რის გამოც ისინი დაღუპულებად გამოაცხადეს. "დაკარგული ხუთი მეზღვაური დაღუპულად გამოცხადდა. რეგიონული ბიუჯეტიდან მათი ოჯახის წევრებიც მიიღებენ მილიონი რუბლის ოდენობის დახმარებას", - განაცხადეს სახალინის ოლქის რეგიონულ მთავრობაში.
თევზსაჭერი ტრალერი ახოტის ზღვაში 2 აპრილს ჩაიძირა. ბორტზე 132 ადამიანი იმყოფებოდა. მათი ნაწილის ევაკუაცია დროულად შეძლეს. ტრაგედიის მიზეზად რუსეთის საგამოძიებო კომიტეტი გემის ყინულთან შეჯახებას ასახელებს, რის გამოც ძრავი დაზიანდა. გამოძიების ფარგლებში დააკავეს ტრალერის მფლობელი კომპანია "მაგელანის" დირექტორის მოადგილე, ალექსანდრ კუდრიცკი.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
