რომის პაპის განცხადების გამო, თურქეთმა ვატიკანიდან საკუთარი ელჩი გაიწვია

თურქეთმა ვატიკანიდან საკუთარი ელჩი გაიწვია. "დოიჩე ველეს" ინფორმაციით, ამის მიზეზი გახდა რომის პაპის განცხადება, რომელმაც ვატიკანში გამოსვლისას, 1915 წელს ოსმალეთის იმპერიის მიერ სომეხთა მასობრივ მკვლელობას გენოციდი უწოდა. პაპის თქმით, გასულ ასწლეულში სამი მასშტაბური, უპრეცედენტო ტრაგედია დატრიალდა და პირველი მათ შორის სომეხი ხალხის გენოციდი იყო.

"პაპის გამონათქვამზე თურქეთის ხელისუფლების პირველი რეაქცია ანკარაში ვატიკანის ელჩის გამოძახება გახდა, რომელსაც საკუთარი პროტესტი დაუფიქსირეს რომის პაპის მიერ სიტყვა "გენოციდის" გამოყენებასთან დაკავშირებით", - წერს გამოცემა.

"ინტერპრესნიუსი"