ერაყში ტერორისტული დაჯგუფება "ისლამური სახელმწიფოს" ერთ-ერთი ლიდერი მოკლეს, რომელიც ცნობილია როგორც აბუ მარია. ამის შესახებ ირანის სახელმწიფო ტელევიზია იუწყება.
მედიასაშუალების ინფორმაციითვე, ტერორისტი ქალაქ ტიკრიტის მახლობლად ერაყის შეიარაღებულმა ძალებმა მოკლეს, რომლებმაც ინფორმაცია მისი ადგილსამყოფელის შესახებ ერაყის დაზვერვებისგან მიიღეს. აბუ მარიასთან ერთად მოკლულია მისი რამდენიმე თანაშემწე. გავრცელებული ინფორმაციით, მოკლული ტერორისტი იყო პროვინცია სალაჰ ედ-დინის ორი რაიონის თვითგამოცხადებული გუბერნატორი.