ნეპალში დაღუპულთა რიცხვმა შესაძლოა, 10 000-ს მიაღწიოს

ნეპალში მიწისძვრის შედეგად დაღუპულთა რიცხვმა შესაძლოა, 10 000-ს მიაღწიოს. ამის შესახებ "როიტერის" ცნობით, ნეპალის პრემიერ-მინისტრმა, სუშილ კოირალამ განაცხადა. ამ დროისთვის დაღუპულთა რიცხვი 4 400-ს აღწევს, თუმცა, ნანგრევებში კვლავ ასობით ადამიანი რჩება. სამაშველო და გაწმენდითი სამუშაოები ამ დრომდე გრძელდება.

`მთავრობა ყველაფერს აკეთებს იმისათვის, რომ გადაარჩინოს და დაეხმაროს დაზარალებულებს. ეს არის დიდი გამოწვევა და რთული პერიოდი ნეპალისთვის", - განაცხადა ნეპალის პრემიერმა. თითქმის 8 მაგნიტუდის სიმძლავრის მიწისძვრის შედეგად დაზარალებული მოსახლეობის დასახმარებლად ნეპალში არაერთმა ქვეყანამ და საერთაშორისო ორგანიზაციამ ჰუმანიტარული ტვირთი გააგზავნა. თუმცა, მოსახლეობის ნაწილი საკვების, წყლისა და მედიკამენტების დეფიციტს განიცდის.

"ინტერპრესნიუსი"