ნეპალში დაღუპულთა რიცხვმა 5 000-ს გადააჭარბა

ნეპალში ძლიერი მიწისძვრის შედეგად დაღუპულთა რიცხვმა 5 000-ს გადააჭარბა. ამის შესახებ ნეპალის შინაგან საქმეთა სამინისტროზე დაყრდნობით, "ბიბისი" იტყობინება. ნეპალში სამდღიანი გლოვაა გამოცხადებული. პარალელურად, მიმდინარეობს სამაშველო და გაწმენდითი სამუშაოები.

საერთაშორისო ორგანიზაციები და არაერთი ქვეყანა ნეპალში ჰუმანიტარულ დახმარებას გზავნის. აშშ-მა და ევროკავშირის რამდენიმე ქვეყანამ სტიქიის შედეგად დაზარალებულ ქვეყანას ფინანსური დახმარებაც გაუწია. გაერო-ს მონაცემებით, თითქმის რვა მაგნიტუდის სიმძლავრის მიწისძვრის შედეგად რვა მილიონი ადამიანი დაზარალდა. ნეპალის პრემიერ-მინისტრის თქმით, შესაძლოა, მსხვერპლის რიცხვმა 10 000-ს მიაღწიოს.

"ინტერპრესნიუსი"