ნეპალში დაღუპულთა რიცხვი 6 000-მდე გაიზარდა

ნეპალში გასულ კვირას მომხდარი მიწისძვრის შედეგად დაღუპულთა რიცხვი 6 000-მდე გაიზარდა. ასობით ადამიანი კვლავ ნანგრევებშია მოყოლილი. სამაშველო და გაწმენდითი სამუშაოები გრძელდება. "ბიბისის" ცნობით, მიწისძვრის ეპიცენტრთან ახლოს მცხოვრები მოსახლეობა წყლისა და საკვების გარეშეა დარჩენილია.

ნეპალის მოსახლეობა ქვეყანას ტოვებს. დედაქალაქ კატმანდუს აეროპორტში უზარმაზარი რიგებია.

გავრცელებული ცნობით, მოსახლეობის ნაწილმა საპროტესტო აქციები დაიწყო, ისინი მთავრობას უყურადღებობაში ადანაშაულებენ.

ნეპალში მიწისძვრა გასულ შაბათს მოხდა. ბიძგების სიმძლავრემ 7,9 მაგნიტუდა შეადგინა, შედეგად განადგურდა ისტორიული ძეგლები, საცხოვრებელი სახლები და სხვა ინფრასტრუქტურა. მსგავსი სიძლიერის მიწისძვრა ნეპალში ბოლო 80 წლის განმავლობაში არ მომხდარა.

"ინტერპრესნიუსი"