საზარელი ტრაგედია ბაქოში: საქართველოს მოქალაქემ მეგობარი გოგონა დანით მოკლა

აზერბაიჯანის დედაქალაქ ბაქოში, საქართველოს მოქალაქემ თავისი მეგობარი გოგონა, აიტაჯ ბაბაევა მოკლა. ამის შესახებ აზერბაიჯანული გამოცემა "ვესტი.აზი" იტყობინება.

გავრცელებული ცნობით, თავდამსხმელი 1995 წელს დაბადებული იზეტ ჰუსეინოვია, მან ბაქოს 58-ე საშუალო სკოლის მე-11 კლასის მოსწავლე შეკამათების ნიადაგზე მოკლა. გავრცელებული ცნობით, ბაბაევა და ჰუსეინოვი შეყვარებულები იყვნენ. გოგონას ურთიერთობის გაწყვეტა სურდა, რის გამოც ბიჭმა გოგონა შეხვედრაზე დაიბარა და თან სამზარეულოს დანა წაიღო. ადგილობრივი პოლიციის ცნობით, ბიჭმა გოგონას ცივი იარაღით ხუთი ჭრილობა მიაყენა. ბრალდებული დაკავებულია.

"ინტერპრესნიუსი"