"გიორგი, ძალიან ზედმეტებში გადადიხარ" - სოფო ნიჟარაძე გიორგი გაბუნიამ გააბრაზა

"რუსთავი 2"-ზე "X ფაქტორის" პირველი ლაივშოუ გაიმართა. გადაცემაში გოგოებისა და ბიჭების 4 სკამის კონკურსი ტარდება. ჟიურის წევრებმა სოფო ნიჟარაძემ და გიორგი გაბუნიამ საკუთარი გუნდების კონკურსანტებიდან პროექტში 4-4 საუკეთესო მონაწილე უნდა დატოვონ.

სოფოს გუნდის წევრი იყო ლიკა შუბითიძე, რომლის შეფასებისას სოფო ნიჟარაძე ყოყმანობდა. გიორგი გაბუნიამ მისი პროვოცირება ცოტა უცნაურად გადაწყვიტა და კონკურსანტების სკამზე ლიკასთან ერთად მოიკალათა, რამაც სოფო ცოტა გააბრაზა.

"გიორგი ძალიან ზედმეტებში გადადიხარ", - ასე მიმართა სოფომ კონკურსანტებისთვის განკუთვნილ სკამზე ლიკა შუბითიძესთან ერთად მოკალათებულ გიორგი გაბუნიას, რაზეც პასუხად მიიღო, რომ მის გადაწყვეტილებას იმ ადგილიდან ფეხმოუცვლელად დაელოდებოდა.

საბოლოოდ, ლიკა პროექტში დარჩა.

იხილეთ ვიდეო