ტეხასის შტატში ბაიკერებს შორის დაპირისპირებისას ცხრა ადამიანი დაიღუპა

ტეხასის შტატში ბაიკერების რამდენიმე ჯგუფს შორის დაპირისპირებას ცხრა ადამიანი შეეწირა. ამერიკული მედიის ცნობით, შემთხვევა ქალაქ უეიკოს სავაჭრო ცენტრის ტერიტორიაზე, ერთ-ერთი რესტორნის ავტოსადგომთან მოხდა. ერთამენთს ცეცხლი ბაიკერებმა გაუხსნეს. პოლიციის ინფორმაციით, მომხდარის დროს 18 ადამიანი დაშავდა, ხოლო 100-ზე მეტი აქტივისტი დააკავეს.

თვითმხილველთა ცნობით, დაპირისპირებულმა მხარეებმა დაახლოებით 100 გასროლა განახორციელეს. რესტორნის კლიენტებისა და თანამშრომლების თქმით, მათ სროლის დროს თავი სამაცივრე ოთახს შეაფარეს. სამართალდამცველთა ცნობით, ბაიკერებს შორის დაპირისპირება სავარაუდოდ პარკირების ადგილის გამო მოხდა.

"ინტერპრესნიუსი"