კიევის მახლობლად, ნავთობბაზაზე მასშტაბური ხანძრის ჩაქრობას ვერ ახერხებენ

კიევის მახლობლად, ნავთობბაზაზე ხანძარი უკვე 16 რეზერვუარს მოედო. ამის შესახებ უკრაინული მედია ქვეყნის საგანგებო სიტუაციების სამსახურზე დაყრდნობით იტყობინება. გავრცელებული ცნობით, მიმდებარე ტერიტორიებიდან ყველა ადამიანის ევაკუაცია განხორციელდა.

დღეს დილით, ხანძარმა აფეთქებაც გამოიწვია, დაიღუპა ერთი მეხანძრე, ათამდე კი დაშავდა. ამ დროისთვის ათობით მეხანძრე ცდილობს ცეცხლის ლოკალიზებას. უკრაინის შინაგან საქმეთა სამინისტროს მრჩეველი, ზორიან შკირიაკი ხანძრის სავარაუდო მიზეზებად ტექნიკური პრობლემებს, განზარახ ქმედებას ან ნავთობპროდუქციის შენახვის უსაფრთხოების ზომების დარღვევას ასახელებს.

"ინტერპრესნიუსი"