ტუნისში "ღვარძლის გავრცელების" ბრალდებით დაახლოებით 80 მეჩეთი დაიხურა
ტუნისში დაახლოებით 80 მეჩეთი დაიხურა. "ბიბისის" ცნობით, აღნიშნული გადაწყვეტილება ქვეყნის პრემიერ-მინისტრმა, ჰაბიბ ესიდმა მას შემდეგ მიიღო, რაც გუშინ ტუნისში ტერაქტს 39 ადამიანი შეეწირა. მისი თქმით, მეჩეთები, რომლებიც სახელმწიფო კონტროლს არ ექვემდებარება, ღვარძლს ავრცელებს და ისინი დაიხურება. "ზოგიერთი მეჩეთი აგრძელებს პროპაგანდას და სიძულვილის გავრცელებას ტერორიზმის გასაღვივებლად", - აღნიშნა ტუნისის პრემიერმა.
გუშინ შეიარაღებულმა მამაკაცმა ცეცხლი გახსნა საკურორტო ქალაქ სუსიში მდებარე ორ სასტუმროში. დაღუპულებს შორის ტუნისელები, ბრიტანელები, გერმანელები, ბელგიელები, ფრანგები და ერთი ირლანდიელი მოქალაქეა. მომხდარზე პასუხისმგებლობა ე.წ ისლამურმა სახელმწიფომ აიღო.
თავად თავდამსხმელი პოლიციამ მოგვიანებით მოკლა. სამართალდამცველების ცნობით, იგი სტუდენტი იყო, რომელიც მანამდე რადიკალიზმში ეჭვმიტანილი არ ყოფილა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
