"ჩემი ხელფასი შვიდი ათასზე ოდნავ მეტია" - ეკა ზღულაძე

უკრაინის შინაგან საქმეთა მინისატრის ამოადგილე ეკა ზღულაძე აცხადებს, რომ აღნიშნულ თანამდებობაზე მისი ხელფასი "შვიდი ათასზე ოდნავ მეტი" გრივნაა. ზღულაძემ ამის შესახებ უკრაინულ გამოცემა "ZN.UA"-სთან ვრცელ ინტერვიუში განაცხადა. ინტერვიუ ეკა ზღულაძესა და საპატრულო პოლიციას ეხება.

"ჩემი ხელფასი შვიდი ათასზე ოდნავ მეტი გრივნაა. მე ხომ სამხედრო წოდება და ნამსახურეობა არ მაქვს. სამწუხაროდ, საქართველოში ნამსახურეობა არ მეთვლება", - განუცხადა ზღულაძემ გამოცემას.

მისივე თქმით, კიევში ბინას ქირაობს, თბილისის ბინა კი გაქირავებული აქვს. ზღულაძე ინტერვიუში აცხადებს, რომ არც საქართველოში და არც უკრაინაში პოლიტიკაში ჩართვა არ სურს. მისივე თქმით, თუკი შეიგრძნობს, რომ პროცესში პროცესისთვის ჩართეს, მისთვის ეს საინტერესო აღარ იქნება.

"ინტერპრესნიუსი"