ბრიუსელში ევროჯგუფის შეხვედრა დასრულდა, რომელსაც საბერძნეთის საკითხზე არავითარი გადაწყვეტილება არ მიუღია. ამის შესახებ ევროჯგუფის ხელმძღვანელმა იერუნ დეისელბლუმ განაცხადა. "ჩვენ მოვამზადეთ სამიტისადმი წინადადება, ახლა კი, გადაწყვეტილება ევროკავშირის ლიდერებმა უნდა მიიღონ", - განაცხადა დეისელბლუმ.
მისი თქმით, დღევანდელი შეხვედრის შემდეგ გადაუჭრელი დარჩა ზოგიერთი საკითხი საბერძნეთთან დაკავშირებით, რომლებიც ეხება ევროკავშირისა და საბერძნეთს შორის მოლაპარაკებების დაწყებას ახალი კრედიტების შესახებ.