წყალსადენის მოწამვლის მცდელობის ბრალდებით პრიშტინაში ხუთი ადამიანი დააკავეს

კოსოვოში დაჯგუფება "ისლამური სახელმწიფოს" წევრი ხუთი ადამიანი დააკავეს, რომლებიც პრიშტინაში ტერორისტულ შეთქმულებას გეგმავდნენ.

დაკავებულები ქალაქ პრიშტინას წყალმომარაგების მოწამვლას აპირებდნენ. ეჭვმიტანილები ორი ავტომანქანით გადაადგილდებოდნენ იმ წყალსატევთან, რომელიც ქალაქის 40 %-ს ამარაგებს.

პოლიციამ ავტომანქანიდან ამოიღო იარაღი, საბრძოლო მასალები და "ისლამური სახელმწიფოს" სიმბოლიკა.