მიკი რურკი წარუმატებელი პლასტიკური ოპერაციის შემდეგ

ლოს-ანჯელესში პაპარაცებმა ჰოლივუდის ვარსკვლავს მიკი რურკის ფოტოები გადაუღეს, რომელმაც მორიგი პლასტიკური ოპერაცია გაიკეთა. ჟურნალისტების აზრით, რურკის პლასტიკური ოპერაცია წარუმატებელია. მსახიობი 62 წლისაა. კარიერის დასაწყისში ის ყველაზე სექსუალურ და სასურველ მამაკაცად ითვლებოდა მსოფლიოში, თუმცა რურკმა კინოდან პროფესიონალურ კრივში წასვლა გადაწყვიტა.

მოგვიანებით, როდესაც კინოს დაუბრუნდა, მსახიობი იძულებული გახდა რამდენიმე ოპერაცია გაეკეთებინა, რომ სპორტული ტრავმების კვალი გამოესწორებინა. თუმცა მისმა პლასტიკურმა ოპერაციებმა უარყოფითი შედეგი გამოიღო და ახლა მსახიობი ყველაზე ნაკლებად გავს საკუთარ თავს.