კალიფორნიაში ხანძრის გამო ათასობითი ადამიანი სახლებს ტოვებს

კალიფორნიის შტატში ხანძრის გამო ათასობით ადამიანს საცხოვრებელი სახლების დატოვებისკენ მოუწოდებენ. "ბიბისის" ცნობით, მოსახლეობის ნაწილის ევაკუაცია უკვე განხორციელდა. სტიქიას სან-ფრანცისკოდან ჩრდილოეთით მდებარე ტყეში 9 000 მეხანძრე ებრძვის, სულ ცეცხლის 18 კერა არსებობს. საგანგებო სიტუაციების სამსახურს ხანძრის ლოკალიზება უჭირს.

ცეცხლმა უკვე გაანადგურა 24 საცხოვრებელი სახლი. ხანძარი კიდევ დაახლოებით 6 000 სახლს ემუქრება. დაშავებულების შესახებ ინფორმაცია ჯერ არ გავრცელებულა. ხანძარი კალიფრონიის ტყეებში სავარაუდოდ, მაღალმა ტემპერატურამ გამოიწვია. უკვე რამდენიმე წელია ზაფხულის პერიოდში კალიფორნიაში გვალვის გამო მასშტაბური ხანძარი ჩნდება.