კიევში დემონსტრანტებმა რადას შენობის შტურმი სცადეს

კიევში დემონსტრანტებსა და პოლიციას შორის შეტაკება მოხდა. აქციის მონაწილეებმა უმაღლესი რადას შენობაში შესვლა სცადეს. თუმცა, სამართალდამცველებმა მათი შეჩერება ცრემლსადენი გაზით შეძლეს. უკრაინული მედიის ცნობით, აქტივისტებმა პოლიციას ჯოხები დაუშინეს, მოგვიანებით კი ყუმბარები ააფეთქეს.

აქცია უმაღლეს რადასთან ამ წუთებშიც მიმდინარეობს, პარლამენტში კი დეპუტატები აღმოსავლეთ რეგიონისათვის უფრო მეტი ავტონომიის მინიჭების საკითხზე მსჯელობდნენ.

რადას დეპუტატების უმრავლესობამ მხარი დაუჭირა საკონსტიტუციო ცვლილებას, რომელიც დეცენტრალიზაციის საკითხს ეხება.

სხდომის დაწყებამდე აღნიშნული საკანონმდებლო ცვლილება თავად დეპუტატების ნაწილმაც გააპროტესტა. დახლოებით 50-მა პარლამენტარმა პრეზიდიუმის ბლოკირება მოახდინა, რის გამოც სესია დაგვიანებით დაიწყო.

"ინტერპრესნიუსი"