მიგრანტების ცხოვრების აუტანელი სიმძიმე ანუ, როგორია ლტოლვილთა კრიზისის ადამიანური სახე

ოთხშაბათს, თურქეთის სანაპიროზე გამორიყული 3 წლის ბიჭუნას გვამმა მთელი მსოფლიო შეძრა. მომხდარმა ადამიანური ტრაგედიის საშინელება სრული სიცხადით აგრძნობინა ევროპის ქვეყნების მაცხოვრებლებს, რომლებიც საკუთარ მთავრობებს უფრო მეტი მიგრანტის შეფარებას სთხოვენ.

თუმცა, ეს სიკვდილი სამწუხაროდ ერთეულ შემთხვევას არ წარმოადგენს. ათასობით მიგრანტი იღუპება უკეთესი ცხოვრების ძიების გზაზე., რომ აღარ ჩავთვალოთ სირიაში, ერაყში და სხვა საომარ წერტილებში გარდაცვლილი ადამიანები. მხოლოდ ამ წელს, 366 000-ზე მეტმა მიგრანტმა გადმოცურა ხმელთაშუა ზღვა, რათა ევროპის ნაპირებისკენ მიეღწია.

წარმოგიდგენთ ფოტოებს, რომელიც უფრო მეტად გაგრძნობინებთ მიგრანტების აუტანელ ყოფას.

სამი წლის დამხრჩვალი სირიელი ბავშვის გვამი ბოდრუმის ნაპირზე წყალმა გამორიყა