იაპონიაში ძლიერ წყალდიდობას ებრძვიან. "როიტერის" ცნობით, ასობით ათას ადამიანს მთავრობა დროებით სახლების დატოვებას ურჩევს.
ტაიფუნ "ეტაუს" შედეგად ცენტრალურ და აღმოსავლეთ იაპონიაში დაიტორა ქალაქები და სოფლები, გადაუღებელმა წვიმამ კი რამდენიმე ადგილას მეწყერი გამოიწვია. დაკარგულია ერთი ადამიანი.
საგანგებო სიტუაციების სამსახურის ცნობით, დაშავდა 15 ადამიანი, ორი მათგანის მდგომარეობა კრიტიკულია. წყალდიდობაა დედაქალაქ ტოკიოშიც. სტიქიის შედეგად შეფერხებულია სატრანსპორტო მოძრაობა. გაუქმდა ათობით ავია და სარკინიგზო რეისი.