"ისლამური სახელმწიფო" ერაყსა და სირიაში ქიმიურ იარაღს იყენებს

"ისლამური სახელმწიფო" ერაყსა და სირიაში ქიმიურ იარაღს იყენებს. ამის შესახებ "ბიბისის" აშშ-ის მთავრობის წარმომადგენლებმა აცნობეს.

ვაშინგტონმა ოთხი ადგილი გამოავლინა, სადაც ისლამისტმა მებრძოლებმა სავარაუდოდ, მასობრივი განადგურების იარაღი გამოიყენეს. ოთხივე ადგილი ერაყი-სირიის საზღვარზე მდებარეობს.

არსებობს ეჭვები, რომ "ისლამური სახელმწიფო" თავად აწარმოებს ქიმიურ იარაღს. თუმცა, არსებობს ასევე კიდევ ერთი ვერსია, რომლის მიხედვითაც, ექსტრემისტებმა ქიმიური იარაღი ერაყსა და სირიაში მდებარე საწყობებში აღმოაჩინეს.

"ინტერპრესნიუსი"