უნგრეთის პოლიციამ 9 380 მიგრანტი დააკავა

უნგრეთის პოლიციამ სერბეთის საზღვრის უკანონოდ გადაკვეთის მცდელობის გამო 9 380 მიგრანტი დააკავა. ამის შესახებ "ბიბისი" იტყობინება.

გუშინ ქვეყნის სამართალდამცავმა უწყებებმა მთავარი სასაზღვრო-გამშვები პუნქტი ლტოლვილებისთვის დახურეს. მსგავსი გადაწყვეტილება არაერთმა ევროპულმა ქვეყანამ მიიღო. მიგრანტთა დიდი ნაკადის გამო ორი დღის წინ ბერლინმა საზღვარზე დროებითი კონტროლი დააწესა. აღსანიშნავია, რომ ყველაზე დიდი რაოდენობის ლტოლვილი გერმანიაში ცდილობს ჩასვლას. ისინი სწორედ ცენტრალური ევროპის ქვეყნების გავლით ცდილობენ გერმანიის საზღვრამდე მიღწევას.

"ინტერპრესნიუსი"