იუტას შტატში წყალდიდობამ 16 ადამიანი იმსხვერპლა

იუტას შტატში წყალდიდობის შედეგად 16 ადამიანი დაიღუპა. ამერიკული მედიის ცნობით, გუშინ სტიქიას ოთხი ადამიანი "ზაიონის ეროვნულ პარკის" ტერიტორიაზე ემსხვერპლა, დანარჩენი 12 ადამიანი კი ქალაქ ჰილდეილში დაიღუპა. ისინი ორი ავტომობილით გადაადგილდებოდნენ, რომელიც წყლის ნაკადმა წაიღო.

წყალდიდობა იუტას შტატში გადაუღებელმა წვიმამ გამოიწვია. გავრცელებული ცნობით, მაშველები ამ დროისათვის ოთხ ადამიანს ეძებენ.

"ინტერპრესნიუსი"