ხორვატიამ მიგრანტების დიდი რაოდენობის გამო სერბეთთან საზღვარი ჩაკეტა

ხორვატიამ სერბეთთან საზღვარი ჩაკეტა. "ბიბისის" ცნობით, მიგრანტების დიდი რაოდენობის გამო რვა სასაზღვრო-გამშვებმა პუნქტმა მუშაობა შეაჩერა. როგორც ოფიციალური ზაგრები იტყობინება, მათ სხვა არჩევანი არ ჰქონდათ, ვინაიდან 10 000-ზე მეტმა მიგრანტმა უკვე გადაკვეთა ქვეყნის საზღვარი. აფრიკელი და აზიელი მიგრანტების ნაკადი ხორვატიისკენ მას შემდეგ დაიძრა, რაც მათ საზღვარი უნგრეთმა ჩაუკეტა.

პარალელურად, სლოვენიაში მიგრანტთა ჯგუფი დააკავეს და ისინი ხორვატიაში დააბრუნეს. თავშესაფრის მაძიებელთა რეკორდულმა რაოდენობამ ევროკავშირში პოლიტიკური კრიზისი წარმოქმნა.

ევროპელი ლიდერები 22 სექტემბერს მიგრაციის საკითხზე იმსჯელებენ და გამოსავლის პოვნას შეეცდებიან.

"ინტერპრესნიუსი"