საბერძნეთში ჩატარებულ არჩევნებში ალექსის ციპრასის პარტიამ გაიმარჯვა

საბერძნეთში ჩატარებული არჩევნების შედეგად გამარჯვება კვლავ პარტია "სირიზამ" მოიპოვა. ამ დროისთვის ბიულეტენების 99 პროცენტი უკვე დათვლილია.

როგორც "ბიბისი" იტყობინება, მემარცხენე კოალიციამ, რომელსაც ექს-პრემიერი ალექსის ციპრასი ხელმძღვანელობს, ვადამდელ საპარლამენტო არჩევნებში მონაწილეების ხმების 35,47% მიიღო, მეორე ადგილი კონსერვატიულმა "ახალმა დემოკრატიამ" დაიკავა და ხმათა 28% მოიპოვა.

ალექსის ციპრასის განცხადებით, საბერძნეთს წინ რთული გზა ელის და ფინანსური კრიზისის დასაძლევად დაუღალავი შრომაა საჭირო. ბოლო 6 წლის განმავლობაში საბრძნეთში ვადამდელი არჩევნები უკვე მეხუთედ ტარდება.

"ინტერპრესნიუსი"