წელს დედამიწის მოსახლეობა სუპერმთვარეებით ძალიან განებივრებული იყო, თუმცა იშვიათი ასტრონომიული მოვლენა, რომელზე დაკვირვების საშუალება მილიონობით ადამიანს 27 სექტემბერს მიეცა, სუპერმთვარეობასა და მთვარის დაბნელებას აერთიანებს.
"სისხლიანი მთვარე" - ასე ეწოდება ულამაზეს სანახაობას, რომლის დროსაც მთვარე ყველაზე ახლოსაა დედამიწასთან, ამასთან, მთვარის სრული დაბნელება ხდება. დედამიწის ჩრდილი მთვარეს წითელ შეფერილობას აძლევს, რის გამოც ეწოდა კიდეც მოვლენას ასე. ბოლოს მსგავსი შემთხვევა 1982 წელს დაფიქსირდა და 2033 წელს განმეორდება.