რუსეთი "ისლამური სახელმწიფოს" წინააღმდეგ ბრძოლის შესახებ ინფორმაციას აშშ-ს მიაწვდის

რუსეთი "ისლამური სახელმწიფოს" წინააღმდეგ ბრძოლის შესახებ ინფორმაციას აშშ-ს მიაწვდის. როგორც სააგენტო "ტასი" იტყობინება, ამის შესახებ რუსეთის საგარეო საქმეთა მინისტრის პირველმა მოადგილემ სერგეი რიაბკოვმა განაცხადა.

"ჩვენ მივაწოდებთ ინფორმაციას დაინტერესებულ მხარეებს, მათ შორის აშშ-საც, ჩვენი საქმიანობის შესახებ "ისლამურ სახელმწიფოსთან" ბრძოლაში", - განაცხადა რიაბკოვმა.

მისივე თქმით, აშშ-ს ბაღდადში შექმნილი საინფორმაციო ცენტრის მუშაობაში მონაწილეობის სურვილი არ გამოუთქვამს. აღნიშნული ცენტრი რუსეთმა, სირიამ, ერაყმა და ირანმა, "ისლამური სახელმწიფოს" საქმიანობის შესახებ ინფორმაციის დაგროვებისა და დამუშავების მიზნით შექმნეს.

"ინტერპრესნიუსი"