ავტორი:

ტუალეტის მრეცხავი, ოპერატორი, ჯამბაზი - საიდან დაიწყეს ჰოლივუდის ვარსკვლავებმა კარიერა

ტუალეტის მრეცხავი, ოპერატორი, ჯამბაზი - საიდან დაიწყეს ჰოლივუდის ვარსკვლავებმა კარიერა

ძნელი დასაჯერებელია, მაგრამ წარმატებისკენ გზა ბევრი ვარსკვლავისთვის ურთულესი იყო და ხშირად ფასტფუდებზე, სამშენებლო მოედნებსა და სხვა დაწესებულებებზეც კი გადიოდა. თქვენ წინაშე ის ვარსკვლავები არიან, რომლებიც კარიერის აწყობამდე ნებისმიერ, ჭუჭყიან საქმესაც კი ჰკიდებდნენ ხელს. ოღონდაც, თავიანთი ბედნიერი ვარსკვლავის სჯეროდათ და მიზანდასახულები იყვნენ.

ჰიუ ჯეკმანი

"მე კოკოს მეძახდნენ და სულ რაღაც ხუთ დოლარად შემეძლო ადამიანების გაცინება, - იხსენებს ვარსკვლავი და მსოფლიოს ერთ-ერთი ყველაზე სექსუალური მამაკაცი თავის მუშაობას... ჯამბაზად, - მომწონდა მაიმუნობა და საბავშვო ზეიმებზე ბავშვების გართობა, ტყუილად კი არ ვიყავი ამით დაკავებული მთელი სამი წელი და დღემდე მენატრება ის მხიარული დღეები".

ჯენიფერ ენისტონი

სანამ ჩაეწერებოდა კასტინგზე სერიალისა "მეგობრები", "თავებზე მონადირეების" ვარსკვლავი უბრალო კურიერად მუშაობდა და ტელეფონით ყიდდა საქონელს. "დიახ, ბავშვობაში ტუალეტების რეცხვაც კი მიცდია, რომ ჯიბის ფული მეშოვა, - აღიარა მსახიობმა ერთ-ერთ ინტერვიუში, - შესანიშნავადაც გამომდიოდა".

შონ კონერი

სიამოვნებით რომ ვუყურებთ, როგორ "დებს კუბოში" ჯეიმს ბონდი ბოროტმოქმედებს, ვერც კი წარმოვიდგენთ, რომ თვითონ მსახიობი ერთ დროს სწორედ ამ კუბოებს... აპრიალებდა. "მახსოვს, ერთხელ დაღლილმა გადავწყვიტე, ერთი საათით ერთ-ერთ კუბოში დამეძინა, რომელიც სულ ახალი გაპრიალებული მქონდა, - იხსენებს შონი თავის მუშაობას დამკრძალავ ბიუროში, - ხოლო როცა გავიღვიძე, ვერაფრით ვერ ვიხსენებდი, მოვკვდი თუ კიდევ ცოცხალი ვიყავი".

გვენ სტეფანი

როგორ უნდა გაასუფთაოს იატაკები გაბრწყინებამდე, ნოუ დაუთის ვარსკვლავმა პირადი გამოცდილებით იცის. სანამ "გრემის" პრემიის ლაურეატი გახდებოდა, ჩვრითა და სათლით შეიარაღებული ერთ-ერთ რესტორანში მუშაობდა საათობით. ასეთი სამუშაოს შემდეგ მაღაზიაში კონსულტანტის თანამდებობა მისთვის ნამდვილი სამოთხე იყო.

კიანუ რივზი

XX საუკუნის 80-იანი წლების შუალედში ნეო ჯერ ვერც კი იეჭვებდა, რომ ოდესმე მსოფლიოს მატრიცისგან დახსნის დიდ მისიას შეასრულებდა, ამიტომაც ნებისმიერ საქმეს ჰკიდებდა ხელს, რასაც ბედი გადმოუგდებდა. "კოკა-კოლასა" და ჩიპსების რეკლამაში გადაღებით არ შემოიფარგლა, არანაკლებ ეფექტურად ჭრიდა ხეებს, ვაჭრობდა დახლთან, შვეიცარიც იყო და გორგოლაჭებსაც კი აპრიალებდა.

იხილეთ გაგრძელება

სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე

"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე

„თბილისური ჩუქურთმა“ - იმპრესიონისტი მხატვრის გამოფენა, რომელიც თბილისობას ეძღვნება