რუსეთში მოღვაწე ქართველი ბიზნესმენი ორმაგ მკვლელობაშია ეჭვმიტანილი

მოსკოვის ოლქის კრასნიოგორსკის რაიონში განხორციელებულ ორმაგ მკვლელობაში ქართველი ბიზნესმენი ამირან გიორგაძეა ეჭვმიტანილი.

როგორც სააგენტო "ტასი" იტყობინება, ამის შესახებ რუსეთის საგამოძიებო კომიტეტის ოფიციალურმა წარმომადგენელმა ვლადიმერ მარკინმა განაცხადა. რუსული მედიის ცნობით, გიორგაძეს კრასნოგორსკის რაიონში სამშენებლო ბიზნესი აქვს.

წინასწარი გამოძიებით, გიორგაძე კრასნოგორსკის რაიონის ადმინისტრაციის უფროსის მოადგილესთან, იური კარაულოვთან კაბინეტში იმყოფებოდა, რის შემდეგაც მათ კრასნოგორსკის ელექტროქსელების ხელმძღვანელი გიორგი კოტლიარენკო შეუერთდა. სიტყვიერი შელაპარაკების შემდეგ ეჭვმიტანილმა კარაულოვი და კოტლიარენკო ადგილზე ცეცხლსასროლი იარაღით მოკლა, რის შემდეგადაც მიიმალა.

როგორც "ტასი" წერს, ამირან გიორგაძე კრასნოგორსკის ელექტროქსელების ერთ-ერთი მფლობელია.

"ინტერპრესნიუსი"