ბრიუსელში, საქართველოს მოქალაქემ მეუღლე შვილების თანდასწრებით მოკლა

ბრიუსელში, საქართველოს მოქალაქემ საკუთარი მეუღლე შვილების თანდასწრებით მოკლა, - ამის შესახებ ინფორმაციას საზოგადოებრივი მაუწყებლის ჟურნალისტი ქეთი ქარდავა სოციალურ ქსელში ავრცელებს. ჟურნალისტის ინფორმაციით, მოკლულ ხათუნა ტ.-ს მეუღლე პოლიციას თავად ჩაბარდა. ხათუნა ტ.-ს სამი შვილი დარჩა, მათ შორის ერთი 2 წლის.

"ინტერპრესნიუსი" ბრიუსელში მყოფ ქეთი ქარდავას ესაუბრა, რომლის ინფორმაციითაც, მკვლელობის შემდეგ, სასწრაფო დახმარება თვითმხილველმა ბავშვებმა გამოიძახეს, თუმცა ხათუნა ტ-ს გადარჩენა ვერ მოხერხდა.

ამასთან, ჟურნალისტის ცნობით, მომხდარის შემდეგ, ბრალდებული მიიმალა. პოლიციამ ძებნა გამოაცხადა, თუმცა, დანაშაულის ჩადენიდან რამდენიმე საათში მკვლელობაში ბრალდებული პოლიციას ჩაბარდა.

"ინტერპრესნიუსი"