"დოიჩე ველე" - ჩინეთი აშშ-ს ომით დაემუქრა

ჩინეთი აშშ-ს ომით დაემუქრა. ამის შესახებ "დოიჩე ველე" წერს. ოფიციალურმა პეკინმა სამხრეთ ჩინეთის ზღვაში ამერიკული სამხედრო ხომალდების მანევრების გამო უკმაყოფილება გამოთქვა.

ჩინეთის სამხედრო-საზღვაო ძალების მეთაურმა უ შენლიმ ვაშინგტონს მოუწოდა, შეწყვიტოს "პროვოკაციები" და გააფრთხილა, რომ სადავო კუნძულებთან ამერიკული სამხედრო ხომალდების მანევრები შესაძლოა, "მცირე ინციდენტად, რომელიც ომს გამოიწვევს" იქცეს.

ამერიკული ნაღმოსანი USS Lassen-ი სამხრეთ ჩინეთის ზღვის სადავო წყლებში 27 ოქტომბერს შევიდა და ჩინეთის მიერ შექმნილ ხელოვნურ კუნძულებს მიუახლოვდა.