რუსეთის პრეზიდენტის, ვლადიმერ პუტინის განცხადებით, ტერორიზმის საფრთხესთან გამკლავება მხოლოდ მსოფლიო თანამეგობრობის ძალისხმევით არის შესაძლებელი. ამის შესახებ რუსული მედია წერს.
"ჩვენ კარგად გვესმის, რომ ტერორისტულ საფრთხესთან გამკლავება და მილიონობით ადამიანის დახმარება, რომელთაც დაკარგეს სახლები, შესაძლოა მხოლოდ მსოფლიო საზოგადოების გაერთიანებით", - განაცხადა პუტინმა.
რუსეთის პრეზიდენტმა საფრანგეთის ტერაქტებისას დაღუპულთა ოჯახებსაც მიუსამძიმრა და მომხდარს საშინელება უწოდა.
ბოლო მონაცემებით, პარიზში განხორციელებული ტერაქტების შედეგად 129 ადამიანი დაიღუპა და 352-ზე მეტი დაშავდა. ტერაქტებზე პასუხისმგებლობა "ისლამურმა სახელმწიფომ" აიღო.