ტერაქტის საფრთხის გამო, ბერლინი-ჰურგადას რეისმა ბუდაპეშტის აეროპორტში საგანგებო დაშვება განახორციელა

სამგზავრო თვითმფრინავმა, რომელიც ბერლინი-ჰურგადას რეისს ასრულებდა, ბუდაპეშტის აეროპორტში საგანგებო დაშვება განახორციელა.

"როიტერის" ინფორმაციით, ამის მიზეზი გახდა ინფორმაცია, თვითმფრინავის ბორტზე ასაფეთქებელი მოწყობილობის შესაძლო არსებობის შესახებ.

ქვეყნის სამართალდამცავ ორგანოებში განაცხადეს, რომ მუქარის შეტყობინება ავიადისპეტჩერს მიუვიდა. პოლიციის ინფორმაციით, ამ დროისთვის თვითმფრინავის შემოწმება მიმდინარეობს. ასევე ამოწმებენ მგზავრების კუთვნილ ტვირთებს.

ერთ-ერთი ვერსიით, ავიალაინერი ავიაკომპანია ჩონდორ–ის საკუთრებაა, თუმცა სამართალდამცავ უწყებაში ავიაკომპანიის დაკონკრეტებისგან თავს იკავებენ. წინასწარი ინფორმაციით, თვითმფრინავის ბორტზე 130 მგზავრი და ეკიპაჟის 7 წევრი იმყოფებოდა.

"ინტერპრესნიუსი"