"ქოცები მიშას და ავაკოვის ვიდეოს უყურებენ" - ირმა ნადირაშვილი პარლამენტიდან ფოტოს ავრცელებს

პარლამენტარი ირმა ნადირაშვილი ფეისბუქის პირად გვერდზე ფოტოს ავრცელებს წარწერით: "ქოცები მიშას და ავაკოვის ვიდეოს უყურებენ. უკვე მესამედ ნახეს". ფოტოზე ასახულები არიან საპარლამენტო უმრავლესობის წევრები: ვახტანგ ხმალაძე, დავით ბერძენიშვილი, ლუკა კურტანიძე, შოთა ხაბარელი და სხვები, რომლებიც, როგორც ირმა ნადირაშვილი იუწყება, ოდესის გუბერნატორ სააკაშვილისა და შს მინისტრ ავაკოვის დაპირისპირებას უყურებენ (იხილეთ ვიდეო)

ფოტოს კომენტარებში ფეისბუქის მომხმარებლები წერენ: "განათება მაინც ჩაექროთ კინოში ეგონებოდათ თავი"; "კურტანიძე ზვიადაურმა დასანანად ჩაილაპარაკეს გულში, ეჰ რა მომენტი "გავმაზეთო"; "სრული ეფექტისთვის პოპკორნიც დასჭირდებათ".