რას წერს Coldplay ხატია ბუნიათიშვილზე ჯგუფის "ფეისბუქის" გვერდზე

ქართველმა პიანისტმა ხატია ბუნიათიშვილმა პოპულარულ ბრიტანულ როკ ბენდთან - "ქოლდფლეისთან" ითანამშრომლა, მათ ახალ ალბომზე A Head full of dreams. ეს ბენდისთვის რიგით მეშვიდე სტუდიური ალბომია. ერთ-ერთი სიმღერის, Kaleidoscope-ს დასაწყისში ხატია პიანინოზე უკრავს. წინა კვირას ბუნიათიშვილმა საკუთარ ფეისბუქ-გვერდზე "ქოლდფლეის" და მის სოლისტ კრის მარტინს გრძელი წერილი მიუძღვნა. დღეს Coldplayის ოფიციალურ გვერდზე ხატიას საპასუხო მადლობა დაიპოსტა.

"მადლობა, ხატია, საკუთარ ჯადოსნურ პიანოზე დაკვრით "კალეიდოსკოპის" დასაწყისში ჩვენ ალბომს რომ მიაგე პატივი", - ნათქვამია "ქოლდფლეის" გვერდზე გამოქვეყნებულ პოსტში.

ასევე იხილეთ: "გუშინ ღამით პარიზში პირველად დავუკარი შენს კონცერტზე..." - ხატია ბუნიათიშვილის ემოციური წერილი "ქოლდფლეის" სოლისტს