პენტაგონმა თარხან ბათირაშვილის დაკავება უარყო

აშშ-ის სამხედრო უწყება ერაყში "ისლამური სახელმწიფოს" ერთ-ერთი ლიდერის, თარხან ბათირაშვილის დაკავებას უარყოფს. ამის შესახებ პენტაგონის წარმომადგენელმა სააგენტო "რია ნოვოსტის" განუცხადა.

მისი თქმით, აღნიშნული ინფორმაცია "სიმართლეს არ შეესაბამება". მანამდე, "ინტერპრესნიუსთან" საუბარში ბათირაშვილის დაკავების შესახებ ინფორმაცია უარყვეს პანკისის ხეობაშიც.

სააგენტო "ტასმა" გუშინ გაავრცელა ინფორმაცია, რომლის თანახმადაც, ამერიკელმა სპეცრაზმელებმა ერაყის პროვინცია კირკუკში ჩატარებული სადესანტო ოპერაციის შედეგად თარხან ბათირაშვილი, მეტსახელად უმარ ალ-შიშანი და "ისლამური სახელმწიფოს" კიდევ 2 საველე მეთაური დააკავეს.

"ინტერპრესნიუსი"