ტიკრიტში თვითმკვლელ ტერორისტებს 15 სამხედრო ემსხვერპლა

სულ მცირე 15 სამხედრო მოსამსახურე დაიღუპა და 22 დაიჭრა ერაყის ამერიკულ სამხედრო ბაზაზე "ბოევიკების" თავდასხმის შედეგად ქალაქ თიკრიტში. ამის შესახებ "როიტერი" იუწყება.

სააგენტოს მონაცემებით, სამხედრო ბაზაზე იერიში ხუთმა თვითმკვლელმა ტერორისტმა მიიტანა. ორმა მათგანმა მანქანა ჭიშკართან ააფეთქა, დანარჩენმა სამმა კი თავი იმ ადგილზე აიფეთქა, სადაც ძალოვანების მომზადება ხდება.

მომხდარ ტერაქტებზე პასუხისმგებლობა დაჯგუფება "ისლამურმა სახელმწიფომ" აიღო. ტერორისტების განცხადებით, მათი სამიზნეა არამეგობარი ქვეყნის არმიის მწვრთნელები.

"ინტერპრესნიუსი"