"სტარტერმა მგონია, რომ ფაჩულიას კი არა, მთელ ერს დასცინა" - ნოე სულაბერიძე არხის მესვეურებისგან საჯარო ბოდიშს ითხოვს
ამერიკელმა კომენტატორებმა შოუ The Starters-ში გადაცემა მიუძღვნეს ზაზა ფაჩულიას. ამჯერად მათ გაარკვიეს, თუ საიდან აქვს ქართველ ცენტრს ამდენი ხმა NBA ALL STAR-ის გამოკითხვის შუალედურ შედეგებში. კომენტატორებმა ირონიითა და იუმორით განიხილეს ფაჩულიას შედეგები, თუმცა, ასევე, ბოდიშიც მოიხადეს და გადაწყვიტეს, ფაჩულიას კარიერის 5 საუკეთესო მომენტი შეეთავაზებინათ მაყურებლისთვის.
თემას "ფეისბუქის" პირად გვერდზე პროდუსერი ნოე სულაბერიძე გამოეხმაურა.
"სტარტერმა მგონია, რომ ფაჩულიას კი არა, მთელ ერს დასცინა ძალიან არაკორექტულად, თავის რეპორტაჟში მაპუტუს ტომივით აიგდო მთელი ერი, მათ შორის ოფიციალური პირები და არანაირი ბოდიში არაა მანდ მოხდილი როგორც ბმულის სათაურში წერია, პირიქით მანდაც კი ცინიზმი და ირონიაა! ეგეთი დედამო....ლი ეთერის მერე ოფიციალურმა პირებმა თუ არა, როგორც მინიმუმ არხის მესვეურებმა უნდა მოიხადონ საჯარო ბოდიში მთელი იმ ქვეყნის მისამართით რომელსაც პოლიტიკურად ბევრი რამის ფასად ყველაფერი აქვს გაკეთებული, რომ თავის მოსახლეობა ვიღაც ყ..ების ასაგდები არ იყოს ამხელა ეთერით!", - დაწერა ნოემ.
პოსტს კახა მამულაშვილი (მამულიჩა) გამოეხმაურა:
მშვენიერი რეკლამა კი გაუკეთეს, რანაირი გადაცემაც არ უნდა ყოფილყო, საერთოდ არ მწყენია პირადად, სულ იღადაონ ზაზაზე თუ გინდა....ჰაჰაჰჰაჰა".
იხილეთ ასევე: ამერიკული ტელეშოუ ზაზა ფაჩულიას და საქართველოს ბოდიშს უხდის
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
