"მენატრება... ახლა 38 წლის უნდა იყოს" - თემურ წიკლაური სიმღერაზე, სინანულზე და დიდ ტკივილზე

"პალიტრანიუსის" რუბრიკაში - "ბლიცინტერვიუ" კითხვებს ცნობილი ადამიანები პასუხობენ. ამჯერად, თემურ წიკლაური პასუხობს ბლიც-შეკითხვებს. 70 წლის მომღერალი ცხოვრების გზაზე, სიმღერაზე, სცენაზე, სიხარულზე და მისი ოჯახის დიდ ტკივილზე საუბრობსა...

- თავისუფლება ჩემთვის არის...

- საზღვერბში მოქცევაა. ცოტა უცნაურად გეტყვით, მაგრამ მე ასე მგონია. თუ მიეყუდნე უფალს და მისი გზით იარე, შენ თავისუფალი ხარ

- სტიმულს მაძლევს...

- ბოლო 4-5 წელია 20 სიმღერა მაქვს ჩაწერილი. მეუბნებიან, კი მაგრამ არ არის კონცერტები, არ იყენებ სიმღერებს. ასეთი პასუხი მაქვს: კომბლე კომბლებს თლიდა და ჭერში აწყობდა, იქნებ გამომადგესო. ჰოდა, მეც ვაგროვებ სიმღერებს.

- ვნანობ...

- ვნანობ, რომ ბევრი დრო დავხარჯე და არ დავუთმე მეტი ხელოვნებას, საოპერო მუსიკას. ფრიად ვნანობ.

- მენატრება...

- ჩემი ბიჭი, გიორგი... ახლა იგი უნდა იყოს 38 წლის. ყოველთვის მენატრება და ის ყოველთვის იქნება მონატრების მიზეზი...

- ცხოვრება რომ თავიდან იწყებოდეს...

- ჩემთვის არავის უკითხავს არც მოსვლა, არც წასვლას დამეკითხება ვინმე... მაგრამ, ალბათ ოპერას მივხედავდი და ბალღებს. ისინი არიან ჩვენი მეც, ხვალინდელი დღე, სიყვარულის მიზეზიც და მიზანიც...

იხილეთ ბლიცინტერვიუ