ტერაქტი ავღანეთში - გარდაცვლილია 14 ადამიანი

ავღანეთის პროვინცია პარვანში მდებარე ჰოსპიტალში თვითმკვლელი ტერორისტის მიერ მოწყობილი ტერაქტის შედეგად, სულ მცირე 14 ადამიანი დაიღუპა. ამის შესახებ "როიტერი" იუწყება . დაღუპულთა შორის, ექვსი პოლიციელია.

მომხდარზე პასუხისმგებლობა უკვე აიღო ტერორისტულმა ორგანიზაცია "თალიბანმა". მათი განცხადებით, მთავარი სამიზნე ადგილობრივი პოლიცია იყო, რაც შეეხება მშვიდობიან მოსახლეობაში მსხვერპლს, ეს პოლიციის მიერ გახსნილმა ცეცხლმა გამოიწვია.

დღევანდელი ტერაქტის შედეგად 11 ადამიანი დაიჭრა.