იაპონიის კუმამოტოს პრეფექტურაში მომხდარი რამდენიმე მიწისძვრის შედეგად, ბოლო მონაცემებით, 41 ადამიანია დაღუპული, 4 დაკარგულად ითვლება. ამის შესახებ ადგილობრივი მედია იუწყება. სინოპტიკოსები ძლიერ ნალექს ვარაუდობენ, რაც მათი ინფორმაციით, მეწყერების საშიშროებას გამოიწვევს.
600 საევაკუაციო პუნქტში 100 ათასი ადამიანი იმყოფება, საავადმყოფოებში 2 ათასი ადამიანი იმყოფება. ხუთშაბათიდან კუმამოტოს პრეფექტურაში რამდენიმე ძლიერი მიწისძვრა მოხდა.